शिरुर (अरुणकुमार मोटे) मलठण (ता.शिरुर) येथील किराणा दुकानदार योगेश मनोहर दंडवते हे त्यांच्या किराणा दुकानासमोरुन त्यांची चारचाकी गाडी रस्त्यावरुन काढुन पाठीमागे घेत असताना बाळु भिमाजी बरकडे व सावळेराम भिमाजी बरकडे दोघेही (रा. दत्तनगर मलठण, ता.शिरुर, जि. पुणे) यांनी त्यांचाकडील मोटर सायकलने पाठीमागुन दंडवते यांच्या चारचाकीला धडक दिल्याच्या कारणावरुन एकाने दगड फेकुन मारला तर दुसऱ्याने हाताने मारहाण, शिवीगाळ करुन दमदाटी केली आहे. याप्रकरणी योगेश दंडवते यांनी शिरुर पोलीस स्टेशन येथे वरील दोघांच्या विरोधात फिर्याद दिल्याने गुन्हा दाखल झाला आहे.
याबाबत सविस्तर हकीकत अशी की दि ३१ जानेवारी २०२५ रोजी सकाळी ९ वाजण्याच्या सुमारास योगेश दंडवते हे त्यांची चारचाकी कार क्र. एम एच १२ व्ही एन ३९९९ हि मलठण येथे शिवहनुमान किराणा दुकानासमोरुन काढुन ती पाठीमागे घेत असताना बाळु भिमाजी बरकडे व सावळेराम भिमाजी बरकडे यांनी त्यांच्याकडील दुचाकीने पाठीमागुन कारला धडक दिल्याच्या कारणावरुन दंडवते यांना बाळु भिमाजी बरकडे यांनी दगड फेकुन मारत शिवीगाळ केली. तर सावळेराम भिमाजी बरकडे यांनी हाताने मारहाण करत शिवीगाळ करुन दमदाटी केली आहे. या घटनेचा पुढील तपास टाकळी आऊट पोस्टचे पोलीस हवालदार शरद वारे हे करत आहेत.
शिक्रापुरचे पोलीस हवालदार मिलिंद देवरे यांची दंबग कामगिरी, दोन स्कॉर्पिओ सह ५३ किलो गांजा केला जप्त
शिरुर; माजी सैनिकाच्या पत्नीची कंपनीच्या भागीदारीत फसवणुक करत जिवे मारण्याची धमकी
‘कुणी न्याय देईल का न्याय’ माजी सैनिकाच्या पत्नीची आर्त हाक; आरोपी अद्यापही मोकाट
