न्हावरे (अक्षय टेमगिरे) : सध्या दुष्काळाने शेतकरी आधीच होरपळत असताना शिरुर तालुक्याच्या पुर्व भागातील एका गावात विद्युत वाहिनीची तार तुटून शॉर्टसर्किट झाल्याने सुमारे १० एकर आडसाली ऊस जळून खाक झाल्याची घटना दि ११ ऑक्टोबर २०२६ रोजी दुपारी २:३० वाजण्याच्या सुमारास घडली आहे.
View this post on Instagram
पिंपळसुटी (ता. शिरुर) येथे हा प्रकार घडला असुन विद्युत वाहिनीची तार तुटून शॉर्टसर्किट झाल्याने सुमारे १० एकर आडसाली ऊस जळाल्याने येथील शेतकऱ्यांचे लाखों रुपयांचे नुकसान झाले आहे. याबाबत रावसाहेब यशवंत फराटे, (वय ६०, रा. पिंपळसुटी, ता. शिरूर, जि. पुणे यांनी शिरुर पोलीस स्टेशन अंतर्गत येणाऱ्या मांडवगण फराटा येथील पोलिस चौकीत तक्रार दखल केली आहे.
रावसाहेब फराटे गट नं २७० मधील ८५ आर क्षेत्रातील आडसाली ऊस तसेच त्यांच्या नातेवाईकांच्या गट नं. २७० व २७१ मधील ऊसाला आग लागली. सदर आगीत गट नं. २७० मधील एकूण ३४० आर व गट नं. २७१ मधील ६० आर, असा एकूण ४०० आर (सुमारे १० एकर) ऊस जळून नुकसान झाल्याचे तक्रारीत नमुद करण्यात आले आहे.
शेतातून गेलेल्या महावितरणच्या मुख्य विद्युत वाहिनीची तार तुटल्याने शॉर्टसर्किट होऊन आग लागल्याचा प्राथमिक अंदाज असुन जमीन मालक शेतकरी आणि स्थानिक नागरिकांनी आग आटोक्यात आणण्याचा प्रयत्न केला; मात्र आगीची तीव्रता जास्त असल्याने ऊस जळून मोठे नुकसान झाले. या घटनेचा पुढील अधिक तपास पोलीस हवालदार संपत खबाले हे करत आहेत.
Video! पुणे-नगर महामार्गावर रांजणगाव गणपती मंदिरासमोर बस जळून खाक…
Video: वाघाळे येथे शॉर्टसर्किटमुळे दोन एकर ऊस जळून खाक…
शिरुर; पारोडीत वीज पडून दुमजली बंगल्याचे नुकसान घरातील सर्व विद्युत उपकरणे जळून खाक
शिरुर तालुक्यात कंटेनर इलेक्ट्रिक पोलला धडकून कंटेनर मधील २१ लाखाचे पार्सल जळून खाक…
Video! नगर-पुणे महामार्गावर धावत्या कंटेनरच्या टायरला आग; टाकीजवळच भडका…
