शिरूर तालुक्यात टोळी सक्रिय
शिरुर (अरुणकुमार मोटे): वस्तू खरेदीच्या बहाण्याने अज्ञात व्यक्ती दुकानात गर्दी नसताना दुकानात येऊन बोलण्यात गुंतवून हातचलाखीने दुकानाच्या गल्ल्यातील, ग्राहकांच्या खिशातील पैसे घेऊन जाणारी टोळी पुणे जिल्हयासह तालुक्यात, तालुक्यातील ग्रामीण भागात सक्रिय झाली आहे.
याबाबत सविस्तर माहिती अशी की, मलठण (ता. शिरूर) येथील अतुल यशवंत थोरात यांच्या गुरूदत्त किराणा दुकानामध्ये कोल्ड्रींक्स घेण्याच्या बहाण्याने आलेल्या दोन अज्ञात व्यक्तींनी इंग्लिश मध्ये संभाषण करून किराणा दुकानदाराला छान छान बोलून तुमची इंडीयन करन्सीला कोणत्या नोटेला किती किंमत आहे. अश्या पद्धतीने मध्येच देवाच्या असणाऱ्या पॅकेट मध्ये काय आहे what is this असे विचारले असता ते बघन्याचे निम्मित करून बोलत असताना दुसऱ्या व्यक्तीने दुकानातील मोजून खाली ठेवलेले पैसे घेऊन त्यातील रक्कम ४३ हजार घेऊन त्यातील ९ हजार ठेवले व ३४ हजार घेऊन पसार झाले. ते दुकानात feej नावाचे कोल्ड्रिंक्स खरेदी करण्याचे बहाण्याने आले होते.
तसेच शिरूर शहरातील सुखकर्ता मेडीकलमध्ये 8 दिवसांपुर्वी गर्दीचा फायदा उचलून ग्राहकाच्या खिशातुन अंदाजे १० हजार रुपये लपांस केले आहे. एकुणच शिरूर पोलिस स्टेशन हद्दीत विविध चोऱ्यांची दिवसेंदिवस वाढ होत असून चोरांना शिरूर पोलिसांना आवरणे मुश्किल झाले आहे.
