शिक्रापूर-मलठण रस्त्याचे काम फक्त कागदावरच सुरू आहे काय?

संतोष धायबर, santosh.dhaybar@gmail.com
शिरूर : शिक्रापूर ते मलठण रस्त्याच्या दुरुस्तीचे काम सुरू होऊन दोन महिने उलटूनही रस्त्याच्या कामामध्ये विशेष अशी प्रगती दिसत नाही. रस्त्याचे काम काय फक्त कागदोपत्री सुरू आहे काय? असा सवाल सामाजिक कार्यकर्ते अशोक सोनवणे यांनी उपस्थित केला आहे.

शिक्रापूर-मलठण रस्ता खोदल्यामुळे नागरिकांना गेल्या दोन महिन्यांपासून मोठ्या मनस्तापाला सामोरे जावे लागत आहेत. दोन महिन्यात कामात हवी तेवढी सुधारणा दिसत नाही. ठेकेदाराकडून नियोजनाचा अभाव, सुरक्षेच्या उपाययोजनांकडे दुर्लक्ष आणि कामातील कासव गतीमुळे या रस्त्याची दयनीय अवस्था झाली आहे. दररोज नागरिक तक्रारींचा पाढा वाचत आहेत. www.shirurtaluka.comने बातम्यांची मालिका सुरू ठेवली आहे. बातम्यांची वरिष्ठ पातळीवरून दखल घेण्यात आल्यानंतर सूत्रे हालली आहेत.

View this post on Instagram

A post shared by Shirur Taluka (@shirurtaluka)

शिक्रापूर-मलठण रस्ता हा मोठा वर्दळीचा आहे. परंतु, संपूर्ण रस्ताच खोदून ठेवल्यामुळे वाहन चालकांबरोबच वाघाळे, गणेगाव, बुरुंजवाडी येथील ग्रामस्थांना अनेक अडचणींना सामोरे जावे लागत आहे. सामाजिक कार्यकर्ते अशोक सोनवणे यांनी शिक्रापूर ते मलठण रस्त्याच्या दयनीय अवस्थेबाबत सार्वजनिक बांधकाम प्रादेशिक विभागाकडे तक्रार दाखल केली होती. तक्रार अर्जासोबत www.shirurtaluka.comच्या बातम्याही जोडल्या होत्या. शासनाने याबाबत दखल घेतली असली सुधारणा दिसत नाही. यामुळे संबंधित रस्त्याचे काम फक्त कागदोपत्रीच सुरू आहे का? अशी शंका अशोक सोनवणे यांनी उपस्थित केली आहे. पुढील काही दिवसांमध्ये कामात सुधारणा दिसली नाही तर शिक्रापूर चौकात आंदोलन उभारले जाईल, असा इशारा अशोक सोनवणे यांनी दिला आहे.

दरम्यान, शासकीय अभियंता यांच्याकडे याबाबत विचारणा केल्यानंतर त्यांनी सांगितले की, ‘शिक्रापूर-मलठण रस्त्याचे कामे वेगाने सुरू केले आहे. पुढील काही दिवसांमध्ये मोठा बदल पाहायला मिळेल.’

शिक्रापूर-मलठण रस्त्याचे काम फक्त कागदावरच सुरू आहे काय? https://t.co/VixnjPD9Ku @nitin_gadkari @Dev_Fadnavis @mieknathshinde @Dwalsepatil @kolhe_amol @CMOMaharashtra @PawarSpeaks @supriya_sule @SunetraA_Pawar @puneruralpolice @SantoshDhaybar @OfficeofUT pic.twitter.com/zZ5PYNdoxm

— shirur (@shirurtaluka) April 28, 2026