Live Video: गुलाबी रंगाने गद्दारीचा कलंक झाकला जात नाही: अमोल कोल्हे

तळेगाव ढमढेरे (तेजस फडके): महाराष्ट्रात सध्या शरद पवार, उद्धव ठाकरे यांची सुनामी आलेली असल्याने महाविकास आघाडीचे सरकार येणार आहे. देवेंद्र फडणवीस यांनी मी मुख्यमंत्री पदाच्या रेसमध्ये नाही, असे सांगितले याचा अर्थ राज्यात महाविकास आघाडीचे सरकार येणार आहे, हे नक्की. शिवाय, गुलाबी रंगाने महाराष्ट्राचा गद्दारीचा कलंक झाकला जात नाही, असे टोला खासदार डॉ. अमोल कोल्हे यांनी लगावला आहे.

शिरुर-हवेली विधानसभेचे महाविकास आघाडीचे उमेदवार अशोक पवार यांच्या प्रचारार्थ तळेगाव ढमढेरे येथील सभेत खासदार डॉ. कोल्हे बोलत होते. यावेळी राष्ट्रवादी कॉंग्रेस पक्ष शरद पवार गटाचे प्रवक्ते विकास लवांडे, तालुकाध्यक्ष विश्वास ढमढेरे, सरचिटणीस ज्ञानेश्वर थेऊरकर, बाळासाहेब नरके, शिवंसेना शिंदे गटाचे तालुकाध्यक्ष पोपट शेलार, माजी उपसभापती जयमाला जकाते आदी उपस्थित होते.

अमोल कोल्हे म्हणाले, ‘गुलाबी रंगाने महाराष्ट्राचा गद्दारीचा कलंक झाकला जात नाही असा टोला देखील उपमुख्यमंत्री अजित पवार यांना लगावत शेतकऱ्यांच्या पिकला मिळणाऱ्या हमीभाव तसेच शेतकरी आत्महत्या बाबत सरकारवर ताशेरे ओढले. घोडगंगा कारखान्याचा विषय काढून अशोक पवार यांना बदनाम करण्याचा प्रयत्न केला जात आहे. सत्तेतून दादा, शिंदे व फडणवीस यांना सत्तेतून पायउतार करा. पुणे जिल्ह्यातील अनेकजण शरद पवार यांना सोडून गेले. मात्र, अशोक पवार हे शरद पवार यांच्यासोबत राहिल्याने राज्याचे लक्ष या उमेदवारीवर लागले आहे.’

अशोक पवार म्हणाले, आज तालुक्यातील सर्व पुढारी व गँगमधील सर्वजण मला पराभूत करण्यासाठी एकत्र झाले आहेत. मात्र, माझा जनतेवर माझा विश्वास आहे.’